精選補習相關要聞

學進補習團精選補習要聞

私人補習收費4大要點

近年私人補習大行其道,想搵私補但係又唔知收費幾多先算合理? 其實私人補習費用並無一個實際嘅標準,會因為好多唔同嘅因素而有所不同。以下就整理左2019年香港中學同小學補習價錢參考表,等大家決定私補之前知道乜野價位先係公價!

影響私人補習收費四大因素

1. 學生程度/需要

學生本身嘅底子程度絕對會影響導師收費。例如,幫一個已經有一定底子想衝擊5**嘅學生補習嘅價錢,一般黎講都會比幫一個底子較差嘅學生跟返進度較為高,因為導師本身都需要有一定能力同成績先可以幫學生爭取最高分數;相反,幫學生跟返進度所需嘅導師能力要求就冇咁高。不過,假若學生本身嘅程度實在落後太多、或者性格較為懶散嘅時候,導師需要花嘅時間心機就真係非常之多,所以價錢亦應酌量增加。

2. 地區/時間

對於部份偏遠地區,例如屯門元朗鄉村、西貢赤柱等地,導師需要花費更多時間同車費成本較高,所以收費亦應該因而增高(大約每小時$10-20)。另外亦應留意,香港部份私人屋苑雖然身在市區,但係就需要經港鐵再接駁巴士小巴先去到,時間同車費成本未必就會比入元朗低,所以決定收費前都要睇清楚地圖,再決定價錢。

如果上門補習地點實在太唔方便,導師同學生可以一齊搵個大家都接受到嘅中間點地方出黎面對面補習,各大商場嘅coffee shop係大家補習嘅好地點;當然,能夠做到網上補習、足不出戶就最好啦。最後亦要留意補習時間,雖然話補習時間係雙方一齊夾,但如果需要補到太夜,亦係一個考慮因素!

3. 導師經驗/ 過往補習成績

現時有唔少導師係補習網刊登自己資料嘅時候,都鍾意強調自己有幾多幾多年補習經驗。不過小編想強調嘅係,補得愈耐並唔代表愈好,如果一個老師補左習2年超過10個學生,但係都冇一個嘅成績突飛猛進,咁試問又有咩用呢? 倒不如搵一個冇補習經驗,但係真係幫過學生成績進步嘅老師好過。

所以無論導師定學生,搵私補時都應該強調返自己嘅「補習成績」,到底幫過幾多人係重要過你做左幾耐。 同理,如果學生係開始補習之後成績真係有進步,不妨每個學期/每年酌量加返每小時$20嘅補習費,用黎鼓勵同留住呢個咁好嘅老師。

4. 學生有冇特別需要

學生有冇其他嘅需要同要求都係考慮價錢時其中一個因素。例如話,到底一對一定係一對多(一對多嘅情況多數出現係幼稚園同小學), 一對多嘅價錢當然比較高,因為導師需要照顧多個學生。又例如,學生會唔會要求額外嘅教材或者練習做? 如果需要導師準備,咁學生都應該負責返買呢份練習嘅費用或者係打印費。

以上就係決定補習價錢時大致需要考慮嘅因素,但係老師嘅質素始終先係最重要,所以一定要學識點樣揀補習老師。

Dover(2019年6月6日)。2019私補價錢參考》私人補習收費4大要點(附私補中介免佣推薦)。Amazing Talker,檢自https://blog.amazingtalker.com/zh-hk/hk-eng/%E9%A6%99%E6%B8%AF%E7%A7%81%E4%BA%BA%E8%A3%9C%E7%BF%92%E5%83%B9%E9%8C%A2/7357/

 

「你點Make Sure我個仔有心機上堂?」別再怨老師失職,父母才是最直接身教子女的人

一位朋友在轉工的空檔期間當補習老師打發時間,由於她真的很聰明,精通數理,而且能夠配合不同類型的學生轉換不同的教學方法,所以很多家長慕名而來。

其中有一位家長問她用哪一款國際認可的教育法去教學生,她說沒有,就只是單純的因材施教。家長質問她:「咁你點樣Make Sure我個仔會有心機上堂呢?」

朋友向我描述時憤怒得緊握拳頭,我也碌大了眼睛。這樣的問題,別說我,連我這位聰明的朋友也語塞。除了因為不懂回答,更多的是不屑回答。

香港人出名「老奉」,所有事也覺得別人奉旨要幫你。而當這性格特質彰顯在家長身上,其乞人憎指數也會放大一百倍。

兒子是你的,教他、愛他的責任在你身上,為甚麼「老奉」地覺得補習老師要「Make Sure你個仔有心機上堂」?明明是你有求於補習老師,想她傳授知識給你的兒子,為甚麼態度可以如此不客氣?

古語有云,疾學在於尊師。

尊師重道的美德,何以在現今社會好像愈來愈不受重視?

子女是父母的鏡子,父母是孩子的榜樣。真想提醒這位家長,如果你繼續用這等方式「身教」兒子,將來你被兒子不禮貌對待,不要驚訝,因為他只是活學活用,將從你身上學到的套用到你身上。

家長們,究竟有咩動力,驅使你要搵補習老師令到你個仔女有興趣讀書呀?係愛呀?定係責任?

孩子們,究竟有咩動力,驅使你要有興趣讀書呀?係愛呀?定係責任?

定係希望?

仙仙姑姐(2018年10月18日)。「你點Make Sure我個仔有心機上堂?」別再怨老師失職,父母才是最直接身教子女的人。親子王國,檢自https://www.baby-kingdom.com/%E8%82%B2%E5%85%92%E6%88%90%E9%95%B7/%E6%88%90%E9%95%B7%E5%81%A5%E5%BA%B7/%E3%80%8C%E4%BD%A0%E9%BB%9EMakeSure%E6%88%91%E5%80%8B%E4%BB%94%E6%9C%89%E5%BF%83%E6%A9%9F%E4%B8%8A%E5%A0%82%EF%BC%9F%E3%80%8D%E5%88%A5%E5%86%8D%E6%80%A8%E8%80%81%E5%B8%AB%E5%A4%B1%E8%81%B7%EF%BC%8C%E7%88%B6%E6%AF%8D%E6%89%8D%E6%98%AF%E6%9C%80%E7%9B%B4%E6%8E%A5%E8%BA%AB%E6%95%99%E5%AD%90%E5%A5%B3%E7%9A%84%E4%BA%BA-100991


調查:24%家長安排子女 暑假每周補習六小時

悠長暑假,不少家長安排子女參加各式各樣的暑期班。香港家庭教育學院的調查發現,近兩成半家長在暑假安排子女每周補習逾六小時,以中一新生家長比例佔最高,比例逾三成一;一成半家長更認同暑期活動是為了「提升子女的競爭力」。團體呼籲家長宜考慮子女的興趣與能力,避免徒添學習壓力。

  香港家庭教育學院在七月上旬訪問逾五百名家長,發現家長為子女安排興趣班及補習情況普遍,逾四成人安排每周逾六小時以上的興趣班,兩成四人安排逾六小時的補習及溫習時間,兩者均以中一新生家長比例佔最高,分別佔五成及三成一。被問到安排子女參加暑期活動的原因,一成半人認同旨在「提升子女的競爭力」,兩成二人認為是充實子女的時間。同時,五成受訪家長指為子女安排暑期活動時感到壓力,近一成家長承認子女對其暑期活動並不快樂。

  學院董事余榮輝坦言,現時家長為子女安排興趣班及補習班,未考慮到學生應在暑期休息,「比如幼稚園家長安排子女上西班牙語班、豎琴班,有家長甚至早上送子女上興趣班,到傍晚始接送回家,對學生來說到底是坐監,抑或真的有興趣?」他建議幼稚園及初小學生家長,在暑假不宜安排過多的功課及補習,應讓學童發掘興趣及探索;至於初中階段,家長應視乎子女的性格,給予活動空間,同時協助他們適應學習環境的轉變,鼓勵建立社交生活及培養興趣。

調查:24%家長安排子女 暑假每周補習六小時(2018年7月23日)。星島日報,檢自http://std.stheadline.com/daily/article/detail/1841812/%E6%97%A5%E5%A0%B1-%E6%95%99%E8%82%B2-%E8%AA%BF%E6%9F%A5-24-%E5%AE%B6%E9%95%B7%E5%AE%89%E6%8E%92%E5%AD%90%E5%A5%B3-%E6%9A%91%E5%81%87%E6%AF%8F%E5%91%A8%E8%A3%9C%E7%BF%92%E5%85%AD%E5%B0%8F%E6%99%82

 

調查:25%家長耗月入3成為子女報暑期班 「零」報讀多涉經濟困難

一項調查發現,6成受訪家長在暑假為子女報讀興趣班及補習班,當中四分一家長會花月入3成或以上,用於這些暑假活動的開支。四成沒安排子女參加暑期活動的家長,近半是因經濟困難而沒有作這類安排。

一成家長報5個或以上興趣班

民建聯家庭事務委員會於6月26日至7月17日,向416名小學家長進行「兒童暑期活動調查」,其中報讀5個或以上的興趣班的達一成,近4成亦會報讀3至4個興趣班;為子女報讀3個或以上的補習班亦逾2成,報讀1至2個則佔7成8。

花費開支方面,不少家長都不惜腰間錢,四分一家長花費在子女暑期活動開支,高達家庭月入3成或以上,相比前年調查升了7個百分點,惟同時亦有56名家長沒有為子女安排活動,接近45%是因為經濟問題。

籲加強託兒服務及資助低收入家庭

深水埗區議員鄭泳舜表示,有深水埗區的小二、三學生,在暑期像上學般要上5個不同類型的興趣班,分別是國畫、書法、英文、數學及非洲鼓。該名小學生每星期上3至4堂,每堂約2小時,因為其基層家長要上班所以送小朋友到興趣班,以代替價錢相若的託管服務,惟在長時間學習下小朋友的樣子已十分疲累。他指,更有家長因要上班而拜託內地的親人照顧,形容兒童因而失去漫長暑假的學習機會。

民建聯家庭事務委員員委員顏汶羽指,基層家長因要上班而送子女報讀補習或興趣班,令他們負擔開支較大,期望政府能加強託兒服務及資助低收入家庭。調查中亦有31%家長認為要資助低收入家庭兒童參加暑期活動,17%表示要加強託兒服務。

顧志恒(2017年7月24日)。調查:25%家長耗月入3成為子女報暑期班 「零」報讀多涉經濟困難。香港01。檢自https://www.hk01.com/%E7%A4%BE%E6%9C%83%E6%96%B0%E8%81%9E/107068/%E8%AA%BF%E6%9F%A5-25-%E5%AE%B6%E9%95%B7%E8%80%97%E6%9C%88%E5%85%A53%E6%88%90%E7%82%BA%E5%AD%90%E5%A5%B3%E5%A0%B1%E6%9A%91%E6%9C%9F%E7%8F%AD-%E9%9B%B6-%E5%A0%B1%E8%AE%80%E5%A4%9A%E6%B6%89%E7%B6%93%E6%BF%9F%E5%9B%B0%E9%9B%A3